Kwrak salo 51 thousand sikla sikli rok ni yagu Kendra haphangni kwbangma achukthaini appointment letter rikha montri bokhorok Narendra Modi. Aro ni bisingo Andaman & Nikovor Dippunja ni 1000 sikla rok ni yagu appointment letter yapharwi rikha bo. Rojgar ter ni bising twi no oh appointment letter rikha montri bokhorok. Asalo hakotor ni 46 thaio rojgar ter songchajakha. Aroni bisingo Andaman & Nikover Dippungja ni Dr.B.R Ambedkar institute of technology auditorium o rojgar ter songchajakha. O panda o video conference ni bising twi Andaman & Nikovor Dippunja ni 1000 sikla rok ni yagu appointment letter yapharwi rikha montri bokhorok Narendra Modi. Aboni yagulo sebok manai sikla rok no kha kaham yapharwi technology o kwbang jor rina bagwi kok sakha montri bokhorok. Bo teibu sakha, haphangni project o technology Corruption wngya twi, kuthok samungno kwlaikhe khwlaina bagwi. Koktwmao saimankha post-office, Audit tei Accounts Department, Ministry of Atomic Energy, Ministry of Defence, Ministry of Education, Ministry of Health and Family Welfare no khobui kendra haphangni kwbangma group o sebok ni appointment letter montri bokhorok Narendra Modi. Hakotor ni 20 haste ni sikla rok ni yagu kendra haphangni sebok ni appointment letter rikha Modi. Abohai khe rojgar ter ni bising twi sikla rok no loksobha ni swkang sebok rimano twiwi montri bokhorok no masterstok hinwi sakha kha khwklaikha thwngrwng hapharni sinai nuknai rok.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
