Teliamura o hai no hai chibok musele nukjakha. Bolong sap khwlaina thangwi chibok musele romkha Teliamura ni SDPO Prasun Kanti Tripura. Tangsalni phungni simi Bormura amchaini lahar ganani bolong sap khwlaina thangmani T.S.R ni kaisa bodol tei Prasun Kanti Tripura. Ah jorao atomsakhe kotor ma chibok musele nugwi mankha SDPO. Aboni logi logi no bolong bedekno koktwma horkha. Ah chibok musele no bwtharya karwi Bormura ni bolong kwthogo phiyogwi rina bagwi T.S.R rok no dagikha Teliamura ni SDPO. Joto patimungno twiwi SDPO Prasun Kanti Debbarma sakha, Hoda ni barja tongmani bagwi no lahar ganani thai no sap sutra khwlaikha bo. Ah jorao no kotor ma chibok musele nogwi mankha borok. Aboni yagulo bolong bedekni dagimung bai ah chibok no Bormura ni bolong kwthogo phiyogwi rikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
