Engresh ni yakni Bharat hakotor no phiyogna bagwi chuba khwlailangnai eba hakotor no hamjaknai Rishi Aravinda. Vandemataram Patrika ni editor tongmani bo. Khorok sa Hakotor no hamjaknai ni khorok sa Philosopher hinwi bo sinijagwi tongo bo. Bharat hakotor no yoksarina bagwi je yapri phunugwi kwlaikha, abono tini ni salo fano kwthang tongkhu. Rishi Aravinda ni laibuma no swrwngwi no bwskango agugwi tongo haste ni Bharatiya Janata Party- Aulini Kasar potri o Rishi Aravinda ni mangthong phiyogwi rimani panda o abohai no sakha haste ni montri okra Dr.Manik Saha. Kasar potri o Aravinda club ni phil dok chi ba bisi songchama salno kitingwi songchajak asalni panda o manjakha Agartala municipal corporation ni mayor Dipak Majumder, aulini 20 ward ni corporator Ratna Datta. Asalni panda o kok narukna thangwi montri okra sakha, Rishi Aravinda ni Spiritual philosophy abo belai no unimaginable. Bini philosophy tei wansukmungno chini langmao bo thepana nangnai. Afuru no naithothok hoda swnamwi manai. Bini wansukmungno samungo phwnangwi, hakotor no thansa khwlaina bagwi saktharwi samung khwlaiwi tongo Bharat hakotor ni montri bokhorok Narendra Modi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
