Agartala ni Rabindra satabarsiki bhavan oh pandit Dindayal upadhyay ni achaima salo bono muito khwlaiwi borom rimani bisingtwi tang salo kaisa panda songsajak kha. pandao manjakgwi montri okra dr. manik saha sakha , pandit Dindayal upadhyay ni phunukjak lamao himwino tabok bwskango thangwi tongo chini hakotorni haphang. Baithangni jorao jotono logio twiwino kahamni bwkhakgo thangwi tongo chini hakotor. Montri bokhorok Narendra modi hakotorni montri bokhorok wngwi barja naharmani ulni simino hakotoro tabok pandit Dindayal Upadhyay tei shymaprasad Mukherjee hai borom gwnang mwtai chalangjak borok rogni achaima sal rog belaino borom rimungni bisingtwi palai tongjakgo. Tripurani hukumu tang bedekni luajimung bai songsajakmani ah salni pandao montri okra no karwibo manjak kha, kwcham yakchu montri okra Jishnu debbarma , hukumu tang bedekni adong DR. PK chakrabartty , Bimbisar Bhattacharjee tei Pradesh bjp ni khukphang eba hasteni hukumu tang bedek motharogni vice chairman Subrata Chakrabartty. Ah salni pandao kok narwkna thangwi montri okra tei bo sakha, pandit Dindayal Upadhyay ni phunukmari rogo bharat hakotorni kubuini hukumu mukumu rogni sinimung mano. Pandit Dindayal ni wansogmung twi khe phatar hakotorni rogni raida rogno nahar khe bharat hakotorni hamsamung wngwi mangwlak hinwi. pandit Dindayal Upadhyay ni phunukjak lamao himwino sab ka sath sab ka bikas kokthaino bwskango toniwi tabok joto lukurogni bagwi samung khwlaiwi tongo montri bokhorok modi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
