Thanai 14 september ni salmario salgwra tripura hangkhor bai khobjak Saraspur kamini Rita Deb mungwi khorok sa hamjwk bwsai kwrwi sini nog ongkhorwi thangkha. Aboni yagulo bwsai samungni nogo kiphilwi bihik no nogo nogya wngwi amchaini gram panchayat member ni nogo bihik no rotokna thangkha, aro thangwi bwsai Sajal Deb saimankha, bihik nukhungni kobono saya karwi sudu panchayat member no simi sawi bwpha ni nogo thangkha. O kok no sai manwi bwsai bwkrabarini lukorog bai call khwlaiwi kok samani yagulo saimankha, bihik bwphani nogo thangya hinwi. Abohai khe salnwi rutukmani yagulo thanai 16 september Kadamtola thanao thangwi mamla khwlaikha bwsai Sajal Deb. Aro koktwma thumnai rok ni bwskango bwsai Sajal Deb sakha, sal kisa swkang borok ni amchaini no Nantu Nath mungwi khorok sa borok bai chasmai tonglaiwi manjakha ah hamjwk eba Sajal ni bihik. Nantu Nath ni nukhungni borok rok, borok ni chasmai tongmano saimanwi borok no Kadamtola thanani police ni yagu yapharwi rikha borok no. Aboni yagulo Saraspur gram panchayat pradhan tei panchayat ni kubuini members rok no twiwi kaisa koklam panda ni bising twi joto bejal no paiwi ah hamjwk no bwsai Sajal Deb ni thani yapharwi rikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
