Parliament ni adhibeshan o kwplai ungkha Women’s Reservation Bill.loksabha ni ulo sangrong salo haste sabha o ah bill kwplai ung kha,kwdukma jora romwi naikol mani ulo paithako ah bill kwplai ung kha. abo ni ulni simi no BJP ni sadar tang bedek o chengjak kha panda. parliament o hakotor ni tong kosong tongnai bwrui rok ni bagwi 33% achugthai ni bagwi montri bokhorok Narendra modi no hambai yaphar na bagwi no ah panda songsa jak kha.BJP ni sadar tang bedek o thangwi montri bokhorok Narendra modi saklai kha, joto hakotor ni tong kosong loku rok no lamsong mwng yaphar o.kwdukma bisi romwi ah bill ni bagwi chaitig jak tong mani,ah emang tabuk soi ung kha.abo hakotor ni bagwi kaisa kaham jora.BJP ni samwng khwlai nai rok ni bagwi tong thok ni sal.crore crore bwrui rok ni emang soi khwlai kha chung.BJP hakotor ni joto loku rok ni bagwi no kaham wansugo. Women’s Reservation Bill no twi kebeng mwng tong mani,phiya ba tabuk parliament o bill phologwi rwjak kha bwrui rok ni bagwi.kwtal parliament bhavan o kebeng nai bodol rok bo baksha khe no vote rwkha,abo ni bagwi joto thung kwrung bodol no bo hambai yaohar kha modi.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
