2021 bisi ni 22 May ni salmario Birganja thana bai khobjak Kurma amchaini khorok sa omar kasukya tiprajwk, sariphangni jorao chamung naharna bagwi nog ganani phalnogo thangkha. Phiyabha sarikphang laiwi hor wngmani yagulo bo nogo sagwiliya ah tiprajwk. Aboni yagulo no bini nukhungni borok rok bono rwtokna chengsakha, phiyabha aswk rwtokmani yagulo bo asalo ah tiprajwk no rwtogwi manliya bini nukhungni borok rok. Phiyabha aboni ulni aichugo nog ganani kaisa culvert sakao ah bwrwi no lengwi kwlaijak nogwi mankha bini nogni borok, aboni yagulo bono nogo twlangkha. Aboni yagulo ah bwrwi sichamani yagulo bono kok sungwi saimakha je, bo phalnogo chajaknai manwi naharna thangphuru, khorok ba sikla rok, bono ramwi ganani kaisa bolongo twlangwi rompherewi, culvert ni sakao khikalaiwi kwlangkha ah khorok ba rok. Patimungni joto koktwma saimanmani yagulo ah bwrwi ni nukhungni borok rok Birganja thanao thangwi, rompherenai ah khorok ba sikla rok no kebengwi mamla khwlaikha. Aboni yagulo ah khorok ba rok no kebengwi naicherna chengkha police rok, swrapsani bisingo no romjakha khorok sa, aboni yagulo Udaipur special judje court o mamla sagwikha, aboni yagulo sangrong salo rompheremani-o gwdaljak Hemanta Reang mungwi khorok sa sikla no nwi chi bisi ni bagwi alongo chopna bagwi satokmung rikha Udaipur special judje court ni dorbarphang Ashotosh Pandey.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
