17 september kokti salo montri bokhorok Narendra modi ni phil sni chitham bisi achaima sal. Montri bokhorok ni achaima salno rwkgwi hakotor gwnangwino PM Vishwakarma mungwi kaisa yojna eba samung bwtangno chengsai rikha montri bokhorok modi. oh samung bwtangno bwskango tonioi no kokti salo Agartala Rabindra satabarsiki bhaban oh kaisa panda songsajak kha. aro manjak kha kendriya monrti Pratima Bhowmik , haste pherang tei hukbar tang bedekni montri Ratan Lal nath. , swnamkhor tei OBC hamkwrai tang bewdekni montri santana chakma no khobwi kuchuk beremni kubuni adong rog. khorsathai kwlaio oh bisini 15 august oh no delhi ni Lal Killa ni simi oh kok no saklaiwi rimani montri bokhorok Narendra modi . oh samung bwtangni bagwi 13 thousand crore rang swbaijak kha hinwi koktwmao saimankha. Je lukurog , swnamkhor baniani logi kwrwngjak amo hai kai chi char borok rogno oh yojna ni bisingtwi sep rijakna hinwi koktwmao saimankha. Ah kai chi char swnamkhor bania ni logi kwrwngjak lukurogni manwi rogni hati phalna bagwi haphangni bwkhaktwi chubachu rijaknai. Oh samung bwtang eba yojna no twiwi koksana thangwi kendriya montri Pratima Bhowmik sakha, montri bokhorok ni twidulmung bai oh bisingo kwbangma samung bwtang yakgo nahar kha tei supungwibo rikha haphang. Tabok oh PM Vishwakarma samung bwtangni bising twi bo kwbangma lukurog kaham sep manai hinwi sakha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
