Chasalo New-Delhi o hakotor ni montri bokhorok Narendra Modi bai malaikha haste ni montri okra Dr.Manik Saha. Asalo haste ni sakham bedek, rwng bedek tei bania no khobui joto hamkrai bedek no twiwi montri bokhorok bai koklam salaikha montri okra. Haste ni sakham bedek tei rwng bedekno khobui kendra haphang tei haste haphang ni kwbangma projects ni samung humung rok ni mwkthang wngmano twiwi kok salaikha borok. Asalni malaimungno twiwi montri okra social media ni bising twi swikha, montri bokhorko ni twidulmung bai Bharat sal kisa swkangno G-20 sammelon khwlaiwi hayungo kaisa laibuma swikha. Bini phunukmani lama twi himwi no thanai kisa bisi ramwi hakotor o hamkrai ni boyer sipsawi tongo. Chwng joto no lama phunuknai, hakotor ni borom gwnang montri bokhorok Narendra Modi bai malaiwi bini hamari nanani sep mankha. Haste ni joto lukorog ni thani hamkrai no sagwirwina bagwi haste ni montri okra no dagikha montri bokhorok Narendra Modi. Haste ni montri okra bai hakotor ni montri bokhorok malaimani naithothok mangpili montri bokhorok ni social media ni bising twi bo post khwlaijakha.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
