2021 bisi ni 18 march Udaipur hangkhor bai khobjak Maharani amchaini khorok sa omar kasukya bwrwi rwngnogo thangphuru bono lama kasukha amchaini Shasim Ahmed mungwi khorok sa sikla. Aboni yagulo oh bwrwi no rwngnogo tunwiwi rwinai hinwi bike o jhor khwlaiwi kariwi Udaipur Tepania park gana ni lamao tubukha bono, phiyabha park kholopjak tongmani bagwi ah bwrwi no park ganani bolongo twlangwi rompherekha Shasim Ahmed mungwi o sikla. Oh patimungno twiwi nukhungni kebono sakhe oh bwrwi no tei bini nukhungni joto borok no bwtharwi khibinai hinwi domki rikha Shasim Ahmed. Phiyabha oh bwrwi asalo mung kok saya fano, aboni yaguli bini nukhungni joto borok no patimungno twiwi swbai sukurwbwui sai khwna rikha. O patimungno twiwi kaham khe saiman mani yagulo oh omar kasukya bwrwi ni bwma bwpha Udaipur mohila thanao thangwi Shasim Ahmed no kebengwi rompheremani mamla khwlaikha. Aboni yagulo Mohila thanani sub-inspector Purnima Das tei Ripita Bhattacharya Shasim Ahmed no kebengwi mamla no twiwi naicherna chengkha tei aboni yagulo Shasim Ahmed no romwi dorbar nogo tisakha. O mamlao khorok chi nwi borok ni shakkhi nawi dorbarphang swrang salo paithakni rai rikha. Dorbar nogni rai o sajakha, Shasim Ahmed no chi nwi bisi ni bagwi alongo chopjaknai tei 3 thousand rang jorimana khwlaikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
