‘Mann ki bath’ panda ni 103-episode o ‘meri mitti mera desh’ samung bwtangno twiwi sakhwlaikha hakotor ni montri bokhorok Narendra Modi. Oh samung bwtangni wngwi hakotor ni joto haste tei haste ni joto bwkhaste ni haa no thomwi, ah haa no New-Delhi o rahorna bagwi dagikha bo. Hakotor ni joto haste ni haa no thomwi kaisa Amrit batika swnamnani naiwi tongo montri bokhorok Narendra Modi. ‘Meri mitti mera desh’ samung bwtangni wngwi no BJP ni kendra committee ni dagimung bai swrang salo 2-no Mohanpur mondol ni luajimung bai Mohanpur hatini shet nogo songchajakha haa thomani panda. O panda o manjakha haste ni hukbar bedekni montri Ratan Lal Nath, Tripura pradesh committee ni ojama Santosh Saha, 2-no Mohanpur mondol ni president Dhirendra Debnath no khobui kubuni adongrok. O panda o Mohanpur bidhansabha ni kai ba chi dok bhoth ni haa thomwi kaisa golao khe tonikha bodol ni sipai rok. Ah golano New-Delhi o horna nagwi Mohanpur mondol president ni thani yapharwi rikha montri Ratan Lal Nath. Bini yakni ah gola no committee rok ni bwkhak twi New-Delhi rahorjaknai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
