Borok borok ni bagwi no, oh kok no muito ma naruklainai, lukorog ni bagwi samung khwlainani no chini samung. Mwtai rok chini sago joto ni sai kaisa kwthar manwi horka. Abo wngkha chini sakni thwi. Tabok ni salo science aswk kwchugo kamani yagulo bo sciencetice rok tabok fano thwi swnamwi manyakhu. Aboni bagwi thwi ni kono dharma kwrwi. Kwrak salo Agartala medical college tei GB sakham bedekni sebok rok ni luajimung bai kaisa thwi rimani panda o manjagwi abohai no sakha montri okra Dr.Manik Saha. Asalni panda no chati mwchungwi chengsawi rikha bo. O panda o kok naruk phuru montri okra sakha, thwi ni kono dharma kwrwi. Chini sagu mwtai rok kaisa kwthar manwi rahorkha, abo wngkha chini thwi, thwi ni sai kwthar manwi tei kwrwi. Tabok ni salo science aswk kwchugo kamani yagulo bo, tabok fano thwi swnamwi manyakhu. Thwi swnamwi mankhe borok rok khorok sa tei khorok sa ni bagwi wansugwlak khamo. Thwi rimani bising twi no chwng khorok sa borok, tei khorok sa borok ni kok no wansugwi mano. Aboni bagwi no chwng pogwi thangkhe wngwlak, chwng joto no thwirimungo agugwi ma phailainai. Abono muito narukna bagwi no sebok rok abohai kotor tei kwthar samungni yapri naharkha. Thwirimani hai kwthar dhan tei kwrwi. Thwirimani bising twi khak-kwchangma mano hinwi sakha montri okra.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
