‘Bisi nwi chi ba romwi Tripura o phan phunokgwi samwng khwlai kha CPIM bodol.kebeng nai bodol ungwi phano samwng khwlai mani phiya ba ah samwng rok mwng sa bo samwng rogo nangya mang se. communist ni jora rogo je borok rok congress bodol bai gwdal jak tong mani oh mandai amchai rogo borok no kirima sinsa khe bwthar jak kha,abo ni logi congress ni nok rogo bo hor rok rwoi sogwi rwmani bo nukjak kha, tei tabuk CPIM tei congress thansa ungwi samwng khwlai tongkha.phiya ba Tripura haste ni loku rok ah thansa no gosiwi manliya Tripura haste ni loku rok.2023 bisi ni lai thanai bidhansabha chongmari o communist rok no phunugwi rwkha haste ni tong kosong loku rok.kokti salo bharatiya janata party ni 11 no.mandai mondal ni luajimung bai songsajak mani samwng khwlai nai song ni bwskango kok narug na phuru CPIM tei congress ni phasing abo hai khe no kok samani nukjak kha pradesh BJP achugphang Rajib bhattacharjee no.communist rok no virus hwnui bo samani nukjak kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
