Chamung bedekni manwi khwnwi rok thik thak da tong, aborok no kaham khe naicherna bagwi swrang salo aulini Maharajganja hatio thangwi naicherwikha Sadar bwkhaste ni officers sng. Chamung bedek tei Legal Metrology bedekni luajimung bai asalni naichermung khwlaijakha. Thanai kisa sal ramwi aulini hatio mairom ni dor belai no barijak. Atomsa mairom ni dor barimano cherwi naina bagwi asalo ongkhorkha chamungni officers rok. A naichermungo Maharajganja hatini Dijendra Lal Saha mungwi khorok sa bania khwlainai manwi phalmani asal report riwi manyani bagwi, bini phalnog no kholobwi rikha. Bono karwi bo Sankar Lal Saha mungwi local mairom phalnai, mairom phalmani proper ducumment phunugwi manyani bagwi mairom phalnani mwthagwi rijakha. Phanai salo nangkukmani duccument phunugwi mankhe, hai no hai bono mairom phalnani permission rijaknai hinwi sakha chamung bedekni officers rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
