5 September eba kwrak salo haste ni kainwi bidhansaba kendrao by-election. Asalni phungni dam sini jora ni simi no Boxonagar tei Dhanpur bidhansaba kendra o ter hai khe by-election wngkha. Vote naharmani kendra kholokmani yagulo no kwbangma lukorog vote rina bagwi phaikha. Tongkwchang ni bising twi vote naharmani choliwi tongmani bisingo no kaisa wanama sinsa patimung patikha. Vote rimani bisingo 23-Dhanpur bidhansabha kendra ni 4 no bhoth o BJP ni sipai rok ni sakao chopropkha kbengnai bodolni sipai rok. Aboni logi logi no sak dukhumanai rok no Sonamura bwkhaste sakham nogo twlangjakha. Patimungni koktwma manwi sakham nogo BJP ni sipai rok no naina thangkha montri Sukla Charan Noatia. Sak dukhumanai sipai rok ni sak naikolmungno twiwi Dr. rok bai koklam sakha montri. Tabok BJP ni sipai rok no teibu kaham khe naikolnani bagwi GB sakham nogo refer khwlaijakha hinwi sakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
