Agartala duli gwnangwi TUDA township ni bagwi samung khwlaijakgwi tongo. tang salo Tripura urban planning and development authority ni beremoh khobjak kai nwi township ni samung bwtang rogno naikulwi naiwi kha montri okra DR. Manik saha. agulini bhagat singh youth hostel ni ganao kunjaban tei kaman chowmohani oh ah samung bwtangni samung rog khwlaijakgwi tongmani rogno naikul kha montri okra. Samungni barja naharjak adong rogno datino samung paina bagwi dagimung rikha montri okra. Ah salo montri okra sakha , oh township project ni samung bwtang paikhe Tripura ni kwbangma lukurogni bagwi kaha, wngnai. Tongthai kwrwi wngmani jwngjal rog painai. Ah township oh tongthaini bagwi thai manai kwbangma lukurog. Kaman chowmohani township oh booking ni raida rog paithakni bwkhaktwi sogwi kha. tei kunjaban township ni booking ni raida rogbo tabok 60 % joratwi paina nai kha hinwi sakha montri okra DR. Manik saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
