Chasalo pradesh bjp ni habanogo songchajak panda ni bising twi yaksi bodol no kolkha pradesh bjp ni haste president Rajib Bhattacharya. Khursathai kwlaio phainai 5 september ni salmario Haste ni Dhanpur tei Boxonagar bidhansabha kendra o by-election wngnai. Chongmarini sal sakhwlaijakmani yagulo CPIM, Congress, tei tipra motha bodol thansa wngwi batainai ni mung sakhwlaikha hinwi kokpirwi tongo CPIM. Phiyabha mwk thango abohaiya, haste ni lukorog no uroi poroi khwlaiwi by-election o borok ni bwkhak twlangna bagwi chaitogwi tongo CPIM bodol. Chasalo BJP ni habanogo haste ni CPIM bodol no kebengwi abohai no sakha BJP bodol ni haste president Rajib Bhattacharya. Asalo bo CPIM bodol no kolwi teibu sakha, CPIM haste o bisi kolokma nwi chi ba bisi ramwi haphango tongmani yagulo bo, 2023 bisi o kebengnai bodol ni barja sudu narugwi manliya. Tabok borok sak baithangni bodol no kwchugo twlangna bagwi kubuni bodol ni support sanwi tongo. Abohai kotor lachima sinsa tei tamo wngna tongsi? bo teibu sakha, borok lukorog ni bagwi samung khwlaiya, kwrwi lukorog no tamo khe teibu kwrwi khwlaiwi mano, abono borok ni chaitokmung. Aboni bagwi no tabok borok buini bodol ni support dorkar. Jora jorao kubuni bodol ni support kwrwi ni bagwi lama kwcharo kaslewi kwlaiwi tongo CPIM bodol.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
