Bharat-Bangladesh ni bisingo thwini halok tongo. Hakotor yoksamani chubao bharat ni yakumu no joto bangladesh ni lukorog pogwi manya. O kainwi hakotor ni lukorog ni bisingo kaham halok tongo. Ah halokno rwgwi no Agartala Pressclub ni kabokmung bai phasalo salbwrwi ni bagwi Agartala o phaikha National pressclub Dhaka ni khorok chi sni adongrok. Agartala Akhaura border o borok no lamsogwikha Agartala Press club ni president Jayanta Bhattacharya, editor Ramakanta Dey tei additional editor Abhisheck Dey. Dhaka ni press club ni bodol ni bisingo tongo president Farida Yasmin tei general editor Shyamal Datta. Asalo borok sakha, Bangladesh ni koktwma thumnai rok bai Tripura ni koktwma thumnai rok ni bisingo halok kaham tonina bagwi Narsinghar ni Dr. B.R Ambedkar ni rwngnokholao songchajak kaisa cricket bataimungo manjakha Dhaka national press club ni members rok. Chasalo ah phiyogmung panda o manjakha haste ah bedek, tiprasa hamkrai bedek tei maalmata hamkrai bedekni montri Shudhangshu Das. O kainwi hakotor ni bisingo thwiyasak halok kaham wngwi tongnai hinwi kha khwlaikha montri Shudhangshu Das. Bat twiwi asalo math o ongkhorkha montri.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
