Teliamura bwkhaste sak ham nogo belaino raida chayani bisingtwi parking khwlaijak sak ham nogni tangkrak rogni malkhung rog. canteen nig anti nogni doglam gana tei sak ham nogni OPD block gana je bwkhakgo naik he borogni malkhung mang parking khwlaijak nuknai. Omo hai khe raida kwrwi khe malkhung park khwlaima bagwi sak ham wngjak tei borogni nukhungnui lukurog bejua oh kwlaina nangwi tongkha. Bwkhaste ni aswk kotor sak ham nog wngwino ah sak ham nogo kaisa kaham parking spot bo kwrwi. Abo rogno karwino sak ham nogni kwbangma tangkrak rogni sakao tabok samung hamya khwlaimanibo koksilsamung khwlaijakgwi tongkha. Borogni position no hamya samung phwnangwi raida chayani samung khwlai tongkha sak ham nogni kis amisa tangkrak rog. aboni bagwi bejua oh kwlaijak sak ham wngnai rogni nukhungni lukurog. Ambulance rog sak ham nogo hapnani teui sak ham nog ni nokhorna rogbo bejua oh kwlaiwi tongkha. Omo hai patimung bisi kwdwkma romwino teliamura sak ham nogo nukjakgwi tongo. phiya tabok hinkhe aswk waire wai koksilsamung kwsamni yagulo teliamura bwkhaste sak ham nogni tangkrak rogno kebengwi dati yapri naharwi mano hasteni sak ham tang bedekni bwkhaktwi. Sak ham tang bedekni ojamano omo hai patimung rogni koktwma rijak kha hangkhor sak ham bedekno naikulnai tangphang no dagimung rikha bo , oh sak ham nogni raida tei halok rogno naina bagwi. aboni yagulo pha salo sak ham nogo naikulna bagwi thangwi sokgwi kha khowai hangkhor sak ham bedekni okra naikulnai Nirmal Biswas. Koktwma thumnai rogni patimung joto koklam rogno swrai swrai khe sai khwna rikha bo .
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
