agini yaksi haphangni jorao kwcham montri okra Manik sarkarni yakbaino khwlaiwi mungsa kaham sep naharjakya karwi teliamura ni kami sak ham nogno bwkhaste sak ham nog swnamwi rijak kha. Aboi yagulo hasteo BJP haphang phaimani yakgulo sak ham tang bedekni montri tei aro MLA ni sak tharwi chaitukmung baino ah sak ham nogni habar rogno kaham khwlaina bagwi yapri naharjak kha. Phiya baithangni jorao dal bi dal ni jwngjalo kwlaijak tekiamura bwkhaste sak ham nog. Sak naikulnai rogni simi chengwi borogni nukhung ni lukurogbo bejuao kwlaina nangwi tongkha. Baithangni jorao telilamura bwkhaste sak ham nogo SDM wngwi barja naharjak Chandan Debbarma tei M O I C ni barjao tongo Ajit Debbarma. Tabok hinkhe sak hamya wngnai tei borogni nukhungni lukruogni bwkhaktwi koksilsa mung kwsa kha chandan debbarma tei Ajit debbarma , sak ham nogni halok no hamya khwlaiwi tongkha hinwi. Sak hamnogni raidao mokol buwa tei cherai bwsa rogni bagwi sak naikulmungni sep tong phano baithango ah sep rog kwrwi.phung dam 9 am ni simi 8 pm jorao O P D block beremo sak naikulmung sep ni kok rog swijak tongphano mukthango kwrwi ah sep. Sak ham nogo bithi bagma thaio barja naharjak naikulnai bo phong dam 11 am ni yagulo sak ham nogo phaio . omo hai patimung rogni bgwi tabok bejua oh kwlaina nangkha bwkhasteni tong kusung lukurog. Teibo kok silsajak kha M O I C Ajit Debbarma tei bini bihik bemar naikulnai doctor sushanta saha ni pocket oh rang da na bagwi D N C ni bania phiyokgwi achukjak hinwi. Koksilsajak kha sak ham nogo barja naharjak khoroksa tangkrak ganani amchai maharani puro tongphano jorano rwkgwi sak ham nogo sokphai manya hinwi. Ah bono karwibo sak ham nogni ul bwkhakgo manwi hamya org khibijakmani bagwi belaino bahai mwnam sak nogo phaio aboni bagwi sak hamya wngjak bejuao kwlaina nango. Sangrong salobo omo hai patimung nukjak kha. Jorano rwkgwi sak ham nogo mungsa samung wngya.
Omo hai patimung rogni bagwi no jwngjalo kwlaijak bwkhasteni sai sai tong kusung lukurog
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
