Tripura football association ni senior division football league batailai mwngo kwrak salo umakanta mini stadium o thung lai kha champion agiye cholo sanga tei Tribeni sangha,batailai mwngo 3-0 goal ni bising o Tribeni sangha no mechenrwoi kwplai ungkha agiye cholo sangha. batailai mwngo agiye cholo sangha ni ungwi kai nwi goal khwlai kha Mal Suam Dunga.abo no karwi bo bodol ni ungwi kai tham ni goal khwlai kha Jayananda singh.batailai mwng pawi kwplai ung nai bodol ni coach Karnendu debbarma sakha kai nwi bodol ni bagwi no batailai mwngo kisa deramwng o kwlai nani nang kha.agiye cholo sangha no sati nwi hi dok romwi kwcharwoi tonkha Tribeni sangha ni footballer rok.tei phai tong nai batailai mwng o teibo kaham thung nai hwnui sakha agiye cholo sangha ni coach. tei khak sa phasing khe league o wai nwi batailai mwng o kwplai ung mani no twi wai tham ni batailai mwng o shield champion agiye cholo sangha ni phasing mechenwi Tribeni sangha ni coach Raju lama sakha,bodol ni footballer rok batailai mwng o kaham khe no thung kha,bodol ni khorok bwrui footballer ni injury tong mani bagwi bodol swnam mani o kisa deramwng o kwlai kha.phiya ba bodol ni footballer rok ni kaisa no tabuk naharmwng tei batailai mwng rogo kwplai ung nani bagwi.
Haste o guru purnima no kitingwi panda songsajakha
Kokti salo guru purnima, buini bagwi samwng khwlai mani abo hai kaham samwng tei hoda o kwrui, tei loku ok...
