Montri bokhorok Narendra modi yak romwi hakotoro samungni kwtal kwtal mari nukjakgwi tongo tabok. Tang salo hakotorni bebagwi kai brwi chiba thaio rojgar mela songsajak kha. ah salo virtually raida twi ah kai brwi chiba thaio thansa khwlaiwi rojgar mela samung bwtang chengsai rikha montri bokhorok Narendra modi. ah samung bwtangni bisingtwi hakotorni bebagwi 51 thousand chwla tei bwrwi no police , hakotor naikulmung tei haphangni dalbi dalni samungni sebokgo tichok kha montri bokhorok. sebok rijakmani ah kai brwi chiba thaini bisingo tongo Tripura hastebo. Ah salo shalbagan ni BSF camp oh songsajak rojgar melano chengsai rikha hasteni kendriya montri Pratima Bhowmik. Bono karwibo aro manjak kha BSF ni IG M.P Gupta no khobwi kubuni achukthaini adong rog. pandao kok narwkna thangwi kendriya montri Pratima Bhowmik sakha , hakotorni lukurogni kaham khwlaina bagwi kwbangma jorao no kaham kaham seo naharwi tongo hakotorni montri bokhorok Narendra modi. oh rojgar mela wngkha ah samung ni kaisa mari. Montri bokhoroik kaham wansogmung tei chaitokmung ni bagwi tabok hakotorni bekar lukurogni bagwi kaham thinang swnamjakgwi tongkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
