Teisa kebeng nai bodol kwlugmwng o kwlai kha,by-election ni sal saklai jak mani ulo no haste ni kwbangma thai rogo yaksi bodol tei congress bodol yakarwi BJP bodol bai gwdal phai mani nukjak tongkha.bodol yakarkha boxanagar bidhansbha kendra ni yaksi jora ni simi mwng sa bo sep manya ungjak nwkhung chi ni khorok tham chi dok congress bai yaksi bodol.yaksi ni jora rogo mwng sa bo kaham sp maiya ni bagwi no bodol yakar kha hwnui saimankha. pati mwng no rwgui swng mwng haste gwnagui no.tang salo 20 boxanagar bidhansabha kendra o kebeng nai bodol yakarwi phai nai rok no bodol ni bana bai yachagwi naharkha haste ni montri okra Dr.Manik saha.sathai kwlaio by-election ni sal saklai jak khe no kwbang ma thai rogo no kebeng nai bodol yakarwi naikol nai bodol bai gwdal tong kha. abo ni swkang bo boxanagar bidhan sabha kendra o congress ni kwcham montri Billal Mia ni logi kwbangma congress ni samwng khwlai nai rok bodol yakarwi bharatiya janata party bai gwdal phai kha,ah bodol yakar mani o phai tong nai by-election o mwng sa bo deramwng rok da kwlaino abo rok no sai man nai phai tong nai 8 september salmario.ah salni panda o phawi manjak phai kha congress ni montri Billal Mia,bidhansabha ni naikol nai Kalyani saha roy,Subal bhowmik ni logi bodol ni samwng khwlai nai tei naikol nai rok bo.abo ni logi boxanagar kendra ni bharatiya janata party ni batai nai Tafazzal Hossain no logi twi kaisa himbok bo khwlai kha montri okra.habar deramwng ni bising phano kwbang no borok phawi manjak phai mani nukjak kha pandao.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
