2014 bisi ni 3rd October ni simi chengsajakha montri bokhorok ni ‘Mann ki bath’ panda. Aboni yagul ni simi no talbrom ni paithak koktisalo palaijagwi tongo montri bokhorok ni ‘Mann ki bath’ panda. O panda ni bising twi hakotor ni kwbamgma lukorog no kaham ni lama phunugwi tongo tei hakotor ni hamkrai ni bagwi kwbangma patimung no twiwi hakotor ni lukorog no sai khwna riwi tongo. BJP ni joto montri, MLA tei joto sipai rok montri bokhorok ni ‘Mann ki bath’ panda khwnawi, kha thangmung manwi tongo. Oh koktisal wngkha montri bokhorok Narendra Modi ni Mann ki bath ni 104 episode. Asalo hakotor ni lukorog ni logi logi haste ni joto bhoth, tei 8 Bordowali 9 no bhoth ni sipai tei ojama rok bai baksa Mann Ki bath panda o manjakha BJP ni haste president Rajib Bhattacharya.Mann ki bath’ panda paimani yagulo Rajib Bhattacharya sakha, Hakotor ni montri bokhorok Narendra Modi bini Mann Ki bath panda ni bising twi hakotor ni joto no kha kaham tei hamjakma yapharwi tongo, tei o panda ni bising twi BJP ni ojama rok kaham khe choliwi thangna bagwi kha thangsamung manwi tongo hakotor ni lukorog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
