Swrang salni horo Teliamura thana bai khobjak salchi Pulinpour amchaini Assam-Agartala lama kinarni kaisa tomtom malkhungo achugwi kok salaiwi tongmani Shakti Das, Sanjoy Das tei Tinku Sarkar mungwi khorok tham borok. Atomsa kaisa powja twinai malkhung okoloktwi phaiwi tomtom malkhung no thotaiwi riphaikha. Powja twinai malkhung bai thotaijagwi cherebwi thangkha tomtom malkhung. Aboni yagulo powja twinai malkhung chaloknai patimung thaini kharwi thangkha. Phiyabha patimungni koktwma manwi patimung thaio thangwi sagwikha amchaini lukorog. Aboni yagulo Teliamura ni hor bwtharnai brindiya rok patimung thaio phaiwi Shakti Das tei Sanjoy Das no khochawi Teliamura sakham nogo twlangkha. Phiyabha sakham nogo sak naikolnai Shakti Das tei Sanjoy Das no thwikha hinwi sakhwlaikha. Aboni tei khaksa bwkhak tomtom chaloknai Tinku Sarkar no teibu kaham khe sak naikoljakna bagwi Agartala GB sakham nogo refer khwlaijakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
