Sangrong salo Boxonagar bidhansabha ni Kullubario kaisa koklam panda songchajakha. O panda o manjakha haste ni montri okra Dr.Manik Saha, pradesh bjp ni president Rajib Bhattacharya, haste ni thanglaisu montri Sushanta Chowdhury, Agartala municipal corporation ni mayor Dipak Majumder, Boxonagar bidhansabha kendra ni batainai Tafazal Hossain no khobui kubuni adongrok. Panda paimani yagulo bodol o hapmani panda chengsajakha. O panda o congress ni kwcham montri Billal Mia congress yakarwi BJP bodol ni bana romkha. Bono bodol ni bana yapharwi lamsogwi naharkha haste ni montri okra Dr.Manik Saha, pradesh BJP ni president Rajib Bhattacharya no khobui kubuni ojama sng. Asalni panda o kok narukna thangwi bjp ni pradesh president Rajib Bhattacharya sakha, Billal Mia hai congress ojama tamoni bagwi congress yakarkha, sal kolokma ramwi yaksi phasing kebengwi choba khwlaiwi mani congress ni ah ojama. Congress ni sipai rok thanai nwi chi ba bisi ramwi satok pitok khwlaijakha. Kwbangma borok bwtharjakha, tei kwbangma bwrwi rok rompherejakha. 2018 bisi ni swkang haphang swlaina bagwi naimani congress ni sipaii rok. Tabok khe borok yaksi bai se gwdalkha. Boxonagar bidhansabha ni Kulubario congress ni kwbangma samung khwlainai no chopropjakha tei bwtharjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
