Football chini belai no khacuksa thwngmung, tei football thwngmung bai chini belai no halok kaham. Swrang salo Tripura football songstha ni luajimung bai songchajak Chandra memorial ni A division football bataimungni chengsamani panda no abohai no sakha montri Sudhangshu Das. Khursathai kwlaio swrang salo Haste ni football songstha bai naikoljak 2023-2024 football session ni sinior divison football league bataimungo thwngnai Trivedi songha tei Jewelers Association. Asalo goal post-o kick khwlaiwi asalni match no chengsawi rikha kwcham footballer eba football coach Sujit Ghosh tei montri Sudhangshu Das. Tripura football association ni bana tisakha TFA ni president Pranab Sarkar, montri Shudhangshu Das, secretary Amit Chowdhury no khobui TFA ni kubuni adongrok. Asalni panda o montri Sudhangshu Das sakha, montri okra Dr.Manik Saha ni naikolmung bai haste haphang kwbangma amchaio thwngmung bedekni hamkrai ni bagwi samung khwlaiwi tongo haste haphang, aboni logi kwbangma private songstha ni bising twi hakotor ni sahid bir sengkrak rok ni mungwi haste ni kwbangma thaio football tournament khwlaijagwi tongo. Bo teibu sakha, thwngmung hamjaknai rok ni bagwi kaisa kotor sep tei borok ni sak no kaham kwrak khwlainani bo sep mankha. Asalo football songstha ni abohai yapri naharmano borom yapharwi bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
