Talni south pole o ISRO ni Chandrayaan-3 yakung beramani bising twi Bharat kaisa kwtal laibuma swikha. Chandrayaan-3 tal-o yakung rimani mangpili hakotor ni lukorog no phunukna bagwi swrang salni sarikni dam ba tamwi soti nwi chi o dadak sidak mangpili phunukkha ISRO. dam ba tamwi soti bwrwi chi sni ni simi dam dok tamwi soti bwrwi ni bisingo no kaham khe no talni south pole o yakung rikha bharat hakotor ni chandrayaan-3. Abohai mangpili naina bagwi Tripura pradesh BJP habanogo bo asalo live phunukjakha. Asalni panda o manjakha pradesh bjp ni haste president Rajib Bhattacharya, BJP pradesh ni general editor Amit Rakhit, Tripura Assam pradesh BJP ni editor G.R Rabindra Raju no khobui kubuni adongrok. Asalo chandrayaan-3 talo yakung rimani yagulo Pradesh bjp ni habanogo phaiwi manjaknai ojama rok ni bisingo kha khaza wngmani mangpili nukjakha. Chandrayaan-3 talo yakung rimani yagulo belai no khatung khaza ni bising twi Rajbari bwskango kaisa panda songchakha Tripura pradesh BJP ni sikla morcha tei Mohila morcha ni ojamajwk sng. O pandao manjakphaikha haste ni montri okra Dr.Manik Saha, pradesh bjp ni president Rajib Bhattacharya, Tripura Assam pradesh ni bjp ni editorG.R Rabindra Raju, pradesh bjp ni general editor Amit Rakhit no khobui kubuni adongrok. O khatung khaza panda ni bisingo koktwma thumnai rok ni bwskango montri okra sakha, hakotor ni montri bokhorok o mission no success khwlaina bagwi hakotor ni Scientists rok kha thangsarimani bagwi no ISRO tal-o thangwi yakung riwi manwikha. Aboni bagwi montri bokhorok Narendra Modi no hambai yapharkha haste ni montri okra Dr.Manik Saha.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
