Kailasahar municipal council ni luajimung bai city no sap sutra tei traffic jam ni yak kakrina bagwi lamao bania khwlaiwi tongnai lama bai belai no nangjak phalnog rok no swbaijakha. Kwrak salni phungo Kailsahar council tei Kailasahar bwkhastwe naimwthang bodol ni naikolmung bai Kailasahar ni Panichowki bazar, central road no khobui kwbangma amchaio hamya raida bai swnamjak nog tei phalnog swbaijakha. O naikolmungo manjakha Kailasahar municipal council ni chairman Chapla Rani Debroy, Kailasahar bwkhaste achukphang Pradip Sarkar, yakchu bwkhaste achukphang Biswajit Das, Rajib Datta no khobui kubuni adongrok. Kailasahar ni bwkhaste achukphang Pradip Sarkar sakha, hamya raida bai phalnog swnammani bagwi city ni lama chikonwi tongkha. Aboni bagwi lama himnai rok belai no jwngjalo kwlaikha. Chikon kotor malkhung hatio habwi manya wngwi tongkha. Lama chikon wngmani joto ni kotor jwngjal wngkha, hatio hor rok nangkhe hor bwtharnai malkhung hatio habwi manya, abono karwi bo city belai no moila wngjak, aboni bagwi no hamya raida bai phalnog swnamwi tongnai rok ni phalnog swbaijakha. Aboni yagulo bwkhaste achukphang sakha, hamya raida bai gwdaljak rok no yakarjagwlak. hamya raida bai swnamjak phalnog rok phainai salo bo swbaijaknai hinwi sakha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
