Brics conference o manjakna bagwi South Africa o thangwi tongo hakotor ni montri bokhorok Narendra Modi. Chi ba bisi Brics conference o manjakmani logi brics bai khobjak hakotor ni ojama rok bai kwrwng kwrwng khwlaiwi koklamo malainai Modi. Hnk tamo China ni president bai bo malainai Modi? abono twiwi kwbangma sungmung achaiwi tongkha thwngrwng hapharo. Asalo montri bokhorok Narendra Modi Delhi ni ongkhorna swkangno PMO ni bwkhak twi kaisa sakhwlaimung sakhwlaijakha, aro montri bokhorok swikha ‘Johannesburg o manjak phainai ojama rok bai koklamo achukna bagwi belai no kha tongthokjak’. Asalni phungni dam sni jorao, Delhi ni simi Johannesburg ni bagwi ongkhorkha montri bokhorok Narendra Modi. Dam chi ni yagulo asalni sarikphangni dam bao Johannesburg o sagwinai bo. Foreign Ministry ni Secretary Vinay Kwatra sakha, montri bokhorok Narendra Modi ni brics conference tei kainwi hakotor ni bisingni koklam panda ni jora naharjakha. Brics conference ni yagulo brics bai khobjak hakotor ni ojama rok bai malainai montri bokhorok Narendra Modi. Khungnwi hakotor ni bisingo kotor bania khwlainani tei investment bari rinani issue no twiwi Brazil, Russia, South Africa ni ojama rok bai koklamo achuknai montri bokhorok Narendra Modi. Phiyabha ah jorao China ni president bai mada malaino abono twiwi mungsa saliya Foreign Secretary. Brics conference paimani yagulo phainai 25 august salmario montri bokhorok Narendra Modi Greece o thanai. Greece ni montri bokhorok ni kobokmungno narukna bagwi no aro thanai montri bokhorok Narendra Modi. Greece ni montri bokhorok bai khungnwi hakotor ni bisingo bania tei kwbangna topic no twiwi koklam salainai borok hinwi koktwmao saimankha.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
