Hoda ni joto kaham hamya samwng no yago twiwi tei hoda ni kwbangma hamya samwng rok no dati khe mwthag na bagwi kwbangma jora romwi no kwbangma saknaikol mwng ni panda tei hodani kaham samwng rok khwlai phai tong kha Crime and Crime Control Awareness Society. tabuk ah society ni bwkhak twi kokti salo Dhaleswar gana Kamini Kumar rwnag nogo kaisa sak tharwi thwi rwmani panda songsa jak kha,ah salni sak tharwi thwi rwmani panda o phawi manjak phai kha,Agartala pura nigam ni mayor Dipak majumdar,pradesh BJP ni achugphang Rajib bhattacharjee,ah salni thwi rwmani panda o kok narug na phuru mayor saklai kha,hoda ni hamya samwng rok mwthag na bagwi administration ni logi o hoda ni joto tong kosong loku rok no kwrak khe bachawi samwng khwlai nani nang nai.tong kosong loku rok samwng yago nahar khe phekjak nai manwi bo kwrui khwlawi man nai haste ni simi tei hamya samwg rok bo mwthagwi man nai haste ni simi.tei haste ni tong kosong loku rok no sakthar mwng rwna ni bagwi agini simi no samwng khwlai tong kha Crime and Crime Control Awareness Society.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
