Phasalo Dharmanagar hangkhor achukphangni habanog bwskango hangkhor rwk ‘Meri Mitti Mera Desh’ samung bwtang songchajakha. O panda o nogorai okra wngwi manjakha Dharmanagar ni MLA eba Haste bidhansabha ni Speaker Biswabandhu Sen. Asalo hakotor ni bana tisawi panda no chengsawi rikha bidhansabha ni speaker Biswabandhu Sen sakha, hakotor ni montri bokhorok Narendra Modi ni abohai kwthar yapri naharmani bagwi hakotor ni kwbangma lukorog, hakotor ni bagwi sak baithangni langmano bedugwi rinai rok ni laibuma no twiwi saimankha. Hakotor ni bagwi chuba khwlainai kwbangma sengkrak rok ni mungno laibumao swijakya. Hakotor ni joto amchaini bwkhak twi twlangjak ha, jephuru Delhi kaisa thaio twlangjak, aro salgwra tripura ni je sengkrak rok hakotor no yoksarina bagwi chuba khwlailangnai rok ni mungbo swijak tongnai. Aboni yagulo sal kolokma ramwi kwmajak hakotor no hamjaknai sengkrak rok ni mung sai mannai. Aboni yagulo hakotor no khobui phatar haste ni tourism rok bo hakotor ni laibuma no twiwi saimanai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
