Lama swnamrina no twiwi sangrong salo Gandachara Raishabari ni lama kasulaikha amchaini lukorog. Asalni phungni simi lahar kasulaikha amchaini lukorog, phiyabha aro thangwi sagwiliya naimwthang bodol rok. Aboni yagulo tei lama nukjakya wngwi Gandachara bwkhaste achukphangni habanog, PWD ni habanog tei Dumbor block ni habanogo tala riwi rikha amchaini lukorog. Lama kasunai rok sakha, Mog para ni simi kwtal Dolopati kaimi lama, Sarma Panchayat ni lama tei Nikhil para ni lama bisi kolokma ramwi kwkak mwkak wngjak. Ah lama hamya ni bagwi thanai july talo Gandachara Raishabari ni lama kasulaikha amchaini lukorog, aphuru lama kasumani koktwma manwi patimung thaio phaikha PWD officers, bwkhaste achukphang no khobui kubuni adongrok. Aro officers rok bai lama kasunai rok ni bisingo wngkha je, phainai hati barsa ni yagulo no o lama swnamjaknai hinwi swimung bwlai ni puito rikha officers rok. Officers rok ni swimung bwlai manwi lama kasumani rosawi naharkha amchaini lukorog. Phiyabha hati tham laimani yagulo bo tabok fano lama swnamna yapri naharya naimwthang bodol. Aboni bagwi no sangrong salo PWD ni habanogno tala riwi rikha amchaini lukorog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
