Phai tog nai 5 september haste ni boxanagar tei dhanpur bidhansabha kendra o ung nani nai tong kha by-election. ah by-election no twi kai nwi bidhan sabha kendra o batainai rok no kwplai khwlai na bagwi samwng yago nahar kha haste ni BJP bodol ni booth thai ni joto samwng khwlai nai ni logi haste ni montri rok bo. sangrong salo tong mani kai nwi bidhansabha kendra ni batainai ungwi chonghor jak nai rok ni nomination bwlai yapharma panda. ah nomination bwlai yaphar na swkang kai nwi bidhan sabha kendra o batainai rok no twi sonamura hospital chowmohony o kaisa kotor lokuthum panda khwlai kha.ah salni lokuthum panda o phawi manjak phaikha haste ni montri okra Dr.Manik saha,pherang tang bedek ni montri Ratan lal nath,thung tang bedek ni montri Tinku roy,malmata tang bedek ni montri Sudhangshu das,janajati kalyan tang bedek ni montri Bikash debbarma,OBC kalyan tang bedek ni montri Santana chakma,thanglaisu tang bedek ni montri Sushanta chowdhury,kendriya prati montri Pratima bhowmik,pradesh BJP ni achugphang Rajib bhattacharjee,pradesh BJP ni tangphang jwk Papiya dutta,agartala pura nigam ni mayor Dipak majumdar tei haste ni kwcham yakchu tangphang Jishnu debbarman ni logi bodol ni samwng khwlai nai tei naikol nai rok.ah salni loku thum panda o kok narugna phuru montri okra saklai kha, tabuk ni habar rogo naikolwi naikhe nukjak o congress bodol ni haba nok ni simi CPIM bodol ni bana tikhlai mani nukjak o tei CPIM ni haba nok ni simi congress bodol ni bana tikhlai mani nukjak o. CPIM rok belai khe no tabuk deramwng o kwlai jak tei paithak o congress bai thansa ung nani nagkha borok no.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
