Phainai 5 september salmario haste ni Boxonagar tei Dhanpur bidhansabha kendra o wngnai by-election. Kwrak salo BJP haste ni General Secretary Arun Singh kaisa kokthum panda ni bising twi Boxonagar tei Dhanpur bidhansabha kendra o BJP ni batainai ni mung sakhwlaikha. Ah khungnwi kendra o batainai rok ni mung sakhwlaijakmano no twiwi swrang salo kok sakha pradesh bjp ni haste president Rajib Bhattacharya. Bo teibu sakha, Chwng kha khwlaio tei puito khwlaio je, o khungnwi kendra ni by-election o BJP bodol kwbangma vote manwi kwplai wngnai. Tamoni bagwi hnk, Kendrao Narendra Modi tei haste o Dr.Manik Saha ni naikolmung bai haste haphang joto bosong ni lukorog ni bagwi samung khwlaiwi tongo, aboni bagwi no chwng puito khwlaiwi mano, phainai by-election o BJP wngwi batainai rok no haste ni lukorog no kwplai khwlainai. Aboni logi congress tei CPIM bodol rok kwthalaimung no twiwi kok sakha bo. Haste ni congress tei CPIM bodol 2023 bisi ni bidhansabha chongmarini hai khe no phainai by-election o kwthalainani naiwi tongo hinwi sakha bo. Haste ni lukorog 2023 bidhansabha chongmarini o Congress tei CPIM bodol no mechenwi BJP bodol no kwplai khwlaikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
