‘Chung joto no phiyokjak mani sal palai tong kha phiya ba phiyokjak mani sal tongthokmani sal phano deramwng rogo kwlai jak,10 lakh ni sebo kwbang loku rok thai yakarwi tei kaisa thai rogo thangwi tong nani nang o’.kwrak salo phiyokjak mani sal tei sanghati club ni chengsa jak mani sal no bwskang o tonwi club ni luajimung bai songsa jak mani panda o kok narug na phuru abo hai khe no kok samani nukjak kha haste ni montri okra Dr.Manik saha.bo teibo saklai kha,hakotor ni khorok nwi khorok tham samwng hamya khwlai nai rok hakotor ni constitution o tubwi teisa hakotor ni khagnani nai tong kha,phiya ba hakotor ni montri bokhorok Narendra modi hakotor no mwthang na bagwi kwrak khe no naikol mwng khwlai tong kha. ah salo phiyokjak mani sal tei sanghati club ni chengsa jak mani sal no kitingwi kaisa sak tharwi thwi rwmani panda songsa jak kha sanghati club ni naikol nai tei samwng khwlai nai rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
