2024 bisi ni loksabha chongmari o kwplai ungwi NDA hapang teisa phan o phai nai hwnui sakha montri bokhorok Narendra modi.tini hakotor ni phil sini chi sini phiyok jak mani sal panda o phawi abo hai khe no kok samani nuk jak kha Modi no. Delhi ni red fort ni simi Hayung ni bana tisa mani ulo hakotor ni joto tong kosong loku rok ni bagwi kok narugkha montri bokhorok. montri bokhorok Modi sakha phai tong nai 2047 bisi ni bising o hakotor no kaisa nai thothok hakotor swnam na bagwi naikol mwng. abo simi ya, montri bokhorok saklai kha, je phai tong nai bisi ba o Bharat hakotor World o 3rd kotor economy o kwlai nai.red fort ni simi montri bokhorok modi gosimnwg rwkha bo phai tong nai bisi o bo red fort ni simi no hakotor ni loku rok ni bagwi kok narug nai.montri bokhorok je phuru kok samani ahphuru Mnaipur ni habar no twi bo kok samani nukjak kha.manipur ni habar no tong kwchang khwlai na bagwi bo kobok mwng rwkha montri bokhorok. bo saklai kha hakotor o je hamya samwng ungwi tong mani abo ni phasing joto nono thansa ungwi samwng khwlai nani nang nai.hamya samwng hakotor o kwbang ungwi tong kha abo ni bagwi kebeng mwng khwlai nani nang nai joto tong kosong loku rok no.
ang tini red fort ni simi abo hai kok no sana bagwi ang tini oro phai kha,chung no kaham khe samwng khwlai nani nang nai,phiyokjak mani sal no rwgui je phuru 100 bisi pung nai ah phuru world o Bharat ni Tiranga tong nani nang nai,chung no hora sa ni bagwi naikol nani nang galak.2047 bisi o hakotor je phuru 100 bisi pung nai ah phuru bharat kaisa naithothok hakotor ungwi sini mwng man nai.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
